س: سمعت من زميل ان عندكو لينك لصفحة الطبيب على التطبيق يبعتها لمرضاه، عشان يحجزوا عليه على طول. صحيح؟
س: ما هو التلي مديسن Telemedicine من الناحية العلمية والقانونية؟
ج: احنا كتبنا بوست سريع على موقع التواصل مع الأطباء: https://www.shoofdoctor.news/post/what-is-shoofdoctor-telemedicine
س: الكشف أونلاين كتابة شات ولا هاتفيا ولا فيديو؟
ج: فيديو صوت وصورة فقط. دي توصيات العلماء والممارسة بالخارج لانها الأكثر فائدة من الناحية العلمية. تفاديا لعيوب التشات والمكالمة الهاتفية الحالية في فقدان ثقة المريض أو عدم فهم بيئته التي يعيش فيها من واقع الفيديو. وطبعا صعوبة كتابة روشتة له وكثير من المشاكل الأخرى اللي جلسة الفيديو بتحلها.
سيستم شوف دكتور بيعتمد أعلى مقاييس تكنولوجية لجودة التواصل الطبي زي ملو تقرير المريض على نظام السيستم المتكامل والتحويلات والتواصل بين الدكتور والمعامل والأشعة بالاضافة طبعا لحفظ كل التقارير في مكان واضح سهل أثناء الكشف نفسه بدون عناء البحث.
س: أنا سجلت بس ليه مفيش حد حجز عندي لغاية دلوقت؟
ج: الشركة بدأت بالفعل في التسويق للمرضى والكشوفات شغالة ودكاترة كتير ابتدا يبقى شغلها على السيستم يومي.
بس نعرف حضرتك بحاجات بسيطة ممكن تفرق وتحط "عيادتك الأونلاين" في الصدارة للحجز:-
ابدأ بسعر يقل عن 100 جنيه في الكشف ثم مع زيادة الكشوفات زوده تدريجيا. فكر في تكلفتك للكشف الأونلاين حيث تكشف وانت جالس في غرفة مكتبك بالبيت: لا توجد ايجارات ولا كهربا ولا صيانة ولا مواصلات، لا تحتاج لمساعدين لتنظيم الدخول، لا تحتاج لملفات خاصة بالمرضى، ولا تحتاج لشراء حتى ورق الروشتات. لو وضعت سعر الكشف الأونلاين بثلث سعر العيادة فقد تتساوى الربحية ان لم تزيد.
صورة البروفايل: صورة مهنية بابتسامة وركز على الوجه. وابعد عن أي تزيين للصورة أو لوجوهات. الصورة عنوان كل دكتور
النبذة (ABOUT) في بروفايلك هي أهم ثاني شئ يراه كل المرضى ويقرأونها بعناية شديدة للتعرف عليك وعلى تخصصك وشهاداتك والخدمات التي تقوم بها في الكشف الأونلاين
أنت واحد من أطباء كثيرون على سيستم شوف دكتور، ولكن عيادتك الأونلاين وحجوزاتها لها صفحة خاصة بلينك خاصة لا تمر بالبحث وسط دكاترة آخرين. استغل الفرصة واستعمل لينك عيادتك الأونلاين وانشرها على السوشيال ميديا بنفسك. فتحها يوجه المرضى للحجز المباشر عندك فقط. يمكنك نشر اللينك الخاصة بك بطريقتين: أ- طريقة ديجيتال: بنشر اللينك على السوشيال ميديا أو الواستاب أو الرسائل لمرضاك القدامى ب- طريقة مطبوعة: اعمل QR Code في صورة المربع لمسحه بكاميرات المحمول فيفتح اللينك الخاصة بعيادتك مباشرة. واستعمل المربع في بزينس كارد أو ورقة معلقة أو في اعلان أجازتك من العيادة لكشف معك أثناء سفرك. يمكنك استعمال برامج تحويل اللينكات لمرعات QR مجانية لعملها مثل: https://play.google.com/store/apps/details?id=com.betteridea.barcode.qrcode
س: لو احتجنا فحص شخصي يكون ايه الوضع؟
ج: حضرتك بتشوف الكاميرا تخدمك ازاي (برجاء مراجعة يوتيوب جامعة ستانفورد باللينك التالية عن الطب عن بعد) ولو فيه تاريخ في السجل الصحي الخاص بالمريض بما فيها أي تحاليل أو أشعة سابقة. وبعد مراجعة المريض ممكن تحويله لاجراء أي تحاليل أو أشعة تقطع الشك باليقين في التشخيص. يتم اجراء التحويل على التطبيق ونتايجه بتظهر في الاستشارة المجانية على السجل الصحي EHR الخاص بالمريض.
ومع ذلك الفيديو والكاميرا لهم مزايا كتير في الكشف. دي نصائح أطباء أمريكان (مع تعليمات الترجمة للعربي) في مختلف التخصصات: يا ريت حضرتك تنشر البوست ده وسط الزملاء للتوعية:
ولو بعد كل ده حضرتك شايف ان لازم فحصه في عيادة، حضرتك بتفهم المريض ايه المطلوب لفحصه وبتحيله لعيادة أو مستشفى. وهناك حيستفيد من تقريرك الأولي ونتائج الأشعة والتحاليل اللي كلهم على السيستم ويوريهم للدكتور هناك.
س: كيف يتم تقييم سعر الكشف لمختلف التخصصات من سعري في العيادة لسعر الكشف الأونلاين؟
ج: المزايا لا تعد ولا تحصى في توفير النفقات على الأطباء وبالتالي توفيرها في السعر على المرضى.
بننصح بالبدء بثلث سعر العيادة. وده نظرا لسهولة وسرعة وتوفير الأونلاين عن الكشف في العيادة والبدء في المنافسة على السيستم.
وكل ما حضرتك تكتشف ازاي تعلي الجودة وتقلل النفقات أسرع من غيرك كل ما مرضى وزملاء أكتر ينصحوا بخدمات حضرتك.
أمثلة للتوفير: ايجار العيادة وفرشها وتنضيفها وتعقيمها ومرافقها. مرتب المساعد. جهد حفظ وأرشفة بيانات المرضى. مواصلات وتأخيرها الذي ينعكس على مدة انتظار المرضى. انعدام فرصة الدخل عند السفر أو الانتقال للمصيف (لأنك طبعا تقدر تكمل شغل من المصيف). الخ
نصيحة 1: كلما كثرت كشوفاتك على المنصة، كلما أقبل عليك المرضى. فابدأ مبكرا عن الآخرين حتى لو كانت البدايات بطيئة، وابدأ أرخص قليلا من الآخرين حتى تكسب مع الشهور شعبية أكثر.
نصيحة 2: استعمل الرابط الخاص بصفحتك على منصات التواصل الاجتماعي (يمكنك ايضا تحويل الرابط الى مربع QR لاستعماله في المطبوعات). بل يمكنك أيضا استعماله في العيادة لمن يحب من مدن أخرى الكشف مع حضرتك.
كلما ابتدأت مبكرا، كلما زادت فرصك ان شاء الله.
س: ما هي أهم معايير الجودةعلى السيستم بتاعكم؟
الجودة للمريض حاجتين مهمين:
1- التعامل مع المريض في المواعيد: وأهمها الحضور في الميعاد وعدم الغياب. الدكاترة المتأخرين والغائبين يعرضون نفسهم لشكاوى مريرة من المرضى حتى لو رجعت لهم فلوسهم. وكلما زادت قسوة الام المرض كلما زادت المرارة من الغياب والتأخير.
2-العلاج: أهم ما فيها هو ان الطبيب يعرف عن المريض كل ما يظهر له من السجلات الصحية في ملفه الطبي على السيستم بتفاصيل وتقارير تسمح بتحسين فهم الحالة وتاريخها والبت في تشخيصها بشكل أفضل. كلما سمع المريض أن الطبيب يعرف عن حالته الكثير كلما اطمأن أنه في أيدي أمينة. فأحسن قراءة الEHR في كل كشف
س: يتم التحويل للصرف بالنسبة المتفق عليها كل قد ايه؟ شهريا ولا أسبوعيا ولا ايه؟
ج: أسرع بكتير. الصرف من "محفظة شوف" الخاصة بالطبيب في أي ساعة وأي يوم وممكن صرفها بعد كل كشف ان أراد الطبيب.
س: يتم التحويل عن طريق ايه؟
ج: محافظ المحمول ال3 الكبرى. فودافون واتصالات واورانج.
برجاء تجربتها ب5جنيه مع أي فرد في العائلة قبل تحويل مبالغ من "محفظة شوف" عليها منعا للاحراج (لا يمكننا فعل أي شئ بعد صرفك المبالغ من حسابك على منصتنا)
س: مطلوب أخصائيين ولا ممكن أرشح أطباء مقيمين؟
ج: التخصصات المفتوحة حاليا 20 بالاضافة الى منهم الPrimary Care للممارس العام ويسمى "طبيب عام" على منصة شوف دكتور لتفادي سوء الفهم. ولابد من توافر ترخيص مزاولة المهنة وكارنيه نقابة ساري لحديثي التخرج.
س: ممكن لينك الاشتراك للأطباء على الأبليكشن؟
س: أنا سجلت عشان العرض ومفيش حد اتصل بيا من الشركة؟
ج: دائما يستحسن ان حضرتك تبعت ايميل بالانتهاء الى doctors@shoofdoctor.com .
ساعات بتبقى المشكلة ان حضرتك ما استكملتش التسجيل بطريقة صحيحة وبالتالي لم يسجل. ارسال رسالة ايميل حتلاقي مساعدة فورية ان شاء الله.
س: سمعت من زميل ان عندكو لينك لصفحة الطبيب على التطبيق يبعتها لمرضاه، عشان يحجزوا عليه على طول. صحيح؟
ج: صحيح جداً. صفحة الprofile الخاصة بحضرتك فيها فوق زرار لنسخ الرابط الخاص بصفحتك. جربها الأول وشوف بتفتح على ايه قبل ما تبعتها عشان تشوف بتدخلهم على الحجز بتاعك علطول ازاي.
س: ينفع أخرج في أي وقت لو ما عجبنيش؟
ج: أكيد. العقد مفهوش أي موانع لقفل عيادتك الأونلاين في أي وقت على الاطلاق. بس خسارة تقفل حاجة بتكسبك ولا تكلفك مليم وزيادة دخل بحجوزات حقيقية ودخل مستمر لمجرد انك محتاج تفتح الأبليكشن كل يوم تشوف لو فيه حجوزات. الموضوع تكلفته على حضرتك زيرو وحضرتك سجلت خلاص فحرام تقفله وترجع تخش في الاجراءات من الأول مرة تانية.
س: لو مسافر أو بأمتحن أقفل الأكاونت بالكامل ولا فيه حاجة مؤقتة في الظروف دي؟
ج: احنا عملنا الSchedule بتاعك في عيادتك مخصوص لكده.
يعني لو مسافر المصيف: تقدر في أسبوعين أو شهر المصيف تغير الSchedule باستعمال الCustomizable اللي في All Weeks. ساعتها تختار تزبط المواعيد اللي انت عايزها في الكام أسبوع دول بشكل مختلف عن بقية السنة وبكده تقدر عيادتك مفتوحة طول الوقت رغم انك مع العائلة في بلد تانية. ركز عشان متنساش تخش المواعيد المختلفة دي وتضيع كشوفاتك.
ولو بتمتحن: برضه بنفس طريقة السفر على الSchedule باستعمال الCustomizable تقدر تلغي كل اللي وراك في اليومين دول وتسيب جدولك السنوي زي ما هو ترجعله تلاقيه زي ما هو يومكن فيه حجوزات كمان تخشها على طول.
س: احنا عرفنا بفتح باب الاشتراك للمعامل، فيه عروض خاصة لينا؟
ج: برجاء ارسال ايميل للمبيعات على providers@shoofdoctor.com وحيكلمكوا حد من طرفنا للمساعدة في التسجيل حسب موقع المعمل أو مركز الأشعة في الجمهورية.
أو لو حابب تبدأ التسجيل مباشرة (سهل جدا) ادخل باللينكات الآتية وابدأ في الRegistration فورا:
للمعامل: https://shoofdoctor.com/for-lab
لمراكز الأشعة: https://shoofdoctor.com/for-radio
س: هل متاح الاشتراك تخصص رمد؟
ج: حاليا، لأ. التخصصات المفتوجة حاليا حتزيد مع الوقت ان شاء الله طبعا. الخصصات الحالية حضرتك حتلاقيها محدثة من هنا:
الرابط الخاص بهذا البوست: https://www.shoofdoctor.news/post/faq
في حالة أي أسئلة غير موجودة هنا برجاء ارسال ايميل... للسادة الأطباء: doctors@shoofdoctor.com للسادة مديري المعامل والأشعة: providers@shoofdoctor.com